younas-khan 173

دورہ انگلینڈ کے لیے پاکستان کا بیٹنگ کوچ مقرر ہونے پر پاکستان کرکٹ بورڈ کا شکر گزار ہوں، یونس خان


اسلام آباد(ٹاپ اردو پوائنٹ) (اے پی پی) قومی کرکٹ ٹیم کے سابق کپتان یونس خان اور مایہ ناز بلے باز نے دورہ انگلینڈ کے لیے پاکستان کا بیٹنگ کوچ مقرر ہونے پر پاکستان کرکٹ بورڈ کا شکریہ ادا کیا ہے، سماجی رابطوں کی ویب سائٹ ٹوئٹر پر یونس خان نے ماضی کی اپنی ایک یادگار تصویر شیئر کی جس میں وہ ٹیسٹ میچ کی کٹ میں سٹیڈیم میں موجود ہیں۔ جمعرات کو ٹوئٹر پر تصویر شیئر کرتے ہوئے یونس خان نے بیٹنگ کوچ مقرر ہونے پر پی سی بی کا شکریہ ادا کرتے ہوئے کہا کہ ‘مجھے ایک بار پھر پاکستان کرکٹ کے لیے اپنی خدمات سرانجام دینے کا موقع ملا ہے اور اِس موقع پر میرے جو جذبات و احساسات ہیں اس سے بہتر میرے لیے کوئی احساس نہیں۔ یونس خان نے کہا کہ یہ میرے لیے اعزاز کی بات ہے کہ مجھے بیٹنگ کوچ کی حیثیت سے ڈریسنگ روم میں واپس آنے کا موقع ملا ہے۔ انہوں نے کہا کہ میں باصلاحیت کھلاڑیوں سے بہترین پرفارمنس کا مظاہرہ کروانے میں کسی قسم کی کوئی کسر نہیں چھوڑوں گا۔ یاد رہے کہ پاکستان کرکٹ بورڈ نے ٹیسٹ کرکٹ کی تاریخ میں پاکستان کے سب سے کامیاب بیٹسمین اور سابق کپتان یونس خان کو دورہ انگلینڈ کے لیے قومی کرکٹ ٹیم کا بیٹنگ کوچ تعینات کر دیا ہے

اس خبر پر اپنی رائے کا اظہار کریں

اپنا تبصرہ بھیجیں